Learn Here Sai Chalisa with Telugu Lyrics | Shirdi Vasa Sai Prabho | Sangeetha Sadhananjali
#thursdayspecial #geethanjali #shirdisaibaba #saichalisa
►Follow us:
►Follow us:

** Song Credits **
శ్రీ సాయి చాలీసా
షిరిడీవాస సాయిప్రభో జగతికి మూలం నీవే ప్రభో
దత్తదిగంబర అవతారం నీలో సృష్టి వ్యవహారం
త్రిమూర్తి రూపా ఓ సాయీ కరుణించి కాపాడోయి
దర్శనమియ్యగరావయ్య ముక్తికి మార్గం చూపుమయా
|| షిరిడీవాస ||
కఫినీ వస్త్రము ధరియించి భుజముకు జోలీ తగిలించి
నింబ వృక్షపు ఛాయలో ఫకీరు వేషపుధారణలో
కలియుగమందున వెలసితివి త్యాగం సహనం నేర్పితివి
షిరిడీ గ్రామం నీవాసం భక్తుల మదిలో నీ రూపం
|| షిరిడీవాస ||
చాంద్ పాటిల్ ను కలుసుకుని ఆతని బాధలు తెలుసుకుని
గుఱ్ఱము జాడ తెలిపితివి పాటిల్ బాధను తీర్చితివి
వెలిగించావు జ్యోతులను నీవుపయోగించీ జలములను
అచ్చెరువొందెను ఆ గ్రామం చూసి వింతైన ఆ దృశ్యం.
|| షిరిడీవాస ||
బాయిజా చేసెను నీ సేవ ప్రతిఫలమిచ్చావో దేవా
నీ ఆయువును బదులిచ్చి తాత్యాను నీవు బ్రతికించి
పశుపక్షులను ప్రేమించి ప్రేమతో వాటిని లాలించి
జీవులపైన మమకారం చిత్రమయా నీ వ్యవహారం
|| షిరిడీవాస ||
నీ ద్వారములో నిలచితిని నిన్నే నిత్యము కొలిచితిని
అభయమునిచ్చి బ్రోవుమయా ఓ షిరిడీశా దయామయా
ధన్యము ద్వారక ఓ మాయీ నీలో నిలిచెను శ్రీసాయి
నీ ధుని మంటల వేడిమికి పాపము పోవును తాకిడికి
|| షిరిడీవాస ||
ప్రళయ కాలము ఆపితివి భక్తులను నీవు బ్రోచితివి
చేసి మహామ్మారీ నాశనము కాపాడి షిరిడి గ్రామం
అగ్నిహోత్రి శాస్త్రికి లీలా మహాత్మ్యం చూపించి
శ్యామాను బ్రతికించితివి పాము విషమును తొలగించి
|| షిరిడీవాస ||
భక్త భీమాజీకి క్షయరోగం నశియించే ఆతని సహనం
ఊదీ వైద్యం చేసావు వ్యాధిని మాయం చేసావు
కాకాజీకి ఓ సాయి విట్టల దర్శన మిచ్చితివి
దామూకిచ్చి సంతానం కలిగించితివి సంతోషం
|| షిరిడీవాస ||
కరుణాసింధూ కరుణించు మాపై కరుణా కురిపించు
సర్వం నీకే అర్పితము పెంచుము భక్తి భావమును
ముస్లిం అనుకొనె నిను మేఘా తెలుసుకొని ఆతని బాధ
దాల్చి శివశంకర రూపం ఇచ్చావయ్యా దర్శనము
|| షిరిడీవాస ||
డాక్టరుకు నీవు రామునిగా బల్వంత్ కు శ్రీదత్తునిగా
నిమోనుకర్ కు మారుతిగా చిదంబరకు శ్రీగణపతిగా
మార్తాండ్ కు ఖండోబాగా గణూకు సత్యదేవునిగా
నరసింహస్వామిగా జోషికి దర్శన మిచ్చిన శ్రీసాయి
|| షిరిడీవాస ||
రేయి పగలు నీ ధ్యానం నిత్యం నీ లీలా పఠనం
భక్తితో చేయండి ధ్యానం లభించును ముక్తికి మార్గం
పదకొండు నీ వచనాలు బాబా మాకవి వేదాలు
శరణని వచ్చిన భక్తులను కరుణించి నీవు బ్రోచితివి
|| షిరిడీవాస ||

అందరిలోన నీ రూపం నీ మహిమా అతిశక్తిమయం
ఓ సాయి మేము మూఢులము ఒసగుమయా మాకు జ్ఞానమును
సృష్టికి నీవేనయ మూలం సాయి మేము సేవకులం
సాయి నామము తలచెదము నిత్యం సాయిని కొలిచెదము
|| షిరిడీవాస ||
భక్తి భావన తెలుసుకొని సాయిని మదిలో నిలుపుకొని
చిత్తముతో సాయీ ధ్యానం చెయ్యాలండీ ప్రతినిత్యం
బాబా కాల్చిన ధుని ఊది నివారించును అది వ్యాధి
సమాధి నుండి శ్రీసాయి భక్తుల కాపాడేనోయి
|| షిరిడీవాస ||
మన ప్రశ్నలకు జవాబులు తెలుపును సాయి చరితములు
వినండి లేక చదవండి సాయి సత్యము చూడండి
సత్సంగమును చేయండి సాయి స్వప్నము పొందండి
భేద భావమును మానండి సాయి మన సద్గురువండి
|| షిరిడీవాస ||
వందనమయ్యా పరమేశా ఆపద్భాందవ సాయీశా
మా పాపములు కడతేర్చు మా మది కోరిక నెరవేర్చు
కరుణామూర్తి ఓ సాయి కరుణతో మము దరిచేర్చోయి
మా మనసే నీ మందిరము మా పలుకులే నీకు నైవేద్యం
|| షిరిడీవాస ||
అఖిలాండకోటి బ్రహ్మాండ నాయక రాజాధిరాజ యోగిరాజపరబ్రహ్మ
శ్రీ సచ్చిదానంద సద్గురు సాయినాధ్ మహరాజ్ కి జై జై జై

Connect with us at: www.geetanjalimusic.in | Sangeethasadhananjali@gmail.com
🔔Subscribe NOW:
👉 Like Us on Facebook:
👉 Follow us on Instagram:
👉 Follow us on Twitter:

Thanks For Watching !!!!
Enjoy & stay connected with us !!

source